Kategoritë
Kina investon në kompjuterët kuantikë
Qeveritë dhe kompanitë në mbarë botën do të investojnë 16.4 miliardë dollarë në zhvillimin e kompjuterëve kuantikë deri në fund të 2027 sipas IDC.
China Telecom ka investuar 434 milionë dollarë për të themeluar Grupin e Teknologjisë Kuantike njoftoi kompania përmes një postimi në WeChat ditën e Marte.
Entiteti i ri do të bazohet në provincën lindore të vendit Anhui dhe të përqendrohet në zhvillimin e teknologjisë kuantike duke shtuar ritmin e zhvillimit të produkteve dhe promovimin e teknologjisë në mbarë vendin thuhej në deklaratë.
Investimi është lëvizja më e fundit e një gjiganti Kinez të telekomunikacionit që përpiqet të zhvillojë teknologji kuantike ndërsa reflekton edhe ambiciet e Pekinit për të ecur përpara në garën globale të kompjuterëve kuantikë.
“Është veprimi i parë për të studiuar dhe implementuar rëndësinë e udhëzimeve që Sekretarit të Përgjithshëm Xi Jinping për zhvillimin e teknologjisë kuantike,” thoshte China Telecom.
Qeveritë dhe kompanitë në mbarë botën prej vitesh kanë pranuar potencialin e lartë që kanë kompjuterët kuantikë, një formë llogaritjesh me shpejtësi shumë të lartë të cilat kryhen në thërrmija nën-atomike dhe temperatura shumë të ulëta duke ndihmuar në zgjidhjen e problemeve komplekse matematikore.
Lëvizja e China Telecom vjen pasi China Mobile, operatori më i madh në botë celular me 900 milionë abonentë, në Dhjetor të vitit të kaluar nënshkroi një marrëveshje me startupin Kinez Origin Quantum për të përdorur kompjuterët kuantikë përballë sfidave që kanë teknologjisë 5G dhe 6G.
Shumica e aplikacioneve në kompjuterët kuantikë janë ende bazikë dhe të kufizuar për një numër të vogël klientësh dhe përdoruesish.
Qeveritë dhe kompanitë në mbarë botën do të investojnë 16.4 miliardë dollarë në zhvillimin e kompjuterëve kuantikë deri në fund të 2027 sipas IDC.
Copyright: © PCWorld Albania
Dil i kënaqur me:
