Kategoritë
Gjenerata e 14-të e procesorëve Intel nuk do të jetë ajo që kanë pritur konsumatorët
Nëse jeni në gjeneratën e 12-të të procesorëve Intel mund të kaloni deri në gjeneratën e 14-të.
Lajme të mira dhe të këqija për entuziastët e kompjuterëve u shfaqën kësaj jave në evenimentin Computex në Tajvan.
Gjenerata e 14-të e procesorëve Intel mund të jetë një rifreskim i asaj aktuale Raptor Lake dhe jo arkitektura e re Meteor Lake që ishte parashikuar.
Lajmi vjen nga disa burime por Wccftech citon disa burime nga prodhues në Tajvan të cilët po përgatiten për produkte të reja.
Specifikimet e reja flasin për pllaka amë që përdorin të njëjtën fole LGA1700 që përdorin modelet Z690 dhe Z790. Në teori është lajm i mirë nëse keni një pllakë amë Z690 sepse do të thotë që një tjetër gjeneratë procesorësh do të mbështetet.
Pra nëse jeni në gjeneratën e 12-të të procesorëve Intel mund të kaloni deri në gjeneratën e 14-të. Lajmi i keq është se arkitektura e shumëpritur Meteor Lake është ende larg debutimi.
Gjithashtu gjenerata e 14-të është një përmirësim i vogël performance krahasuar me procesorët ekzistues. Intel ka një të kaluar aspak favorizuese për përdoruesit kur bëhet fjalë për përdorimin e disa gjeneratave të procesorëve në pllakat amë ekzistuese.
Një pllakë amë maksimalisht mbështeste dy gjenerata procesorësh ndryshe nga AMD ku me AM4 mbështeti katër gjenerata procesorësh.
Wccftech tha se sipas burimeve të saj gjenerata e 14-të e procesorëve Intel do të kishte konsum të lartë energjie ku thuhet se shkon mbi 6Ghz deri në 6.5Ghz.
Copyright: © PCWorld Albania
