Kategoritë
Facebook raportoi 3 miliardë përdorues aktivë në muaj
Sipas CEO Mark Zuckerberg, Reels kishin 200 miliardë shikime në ditë në të gjitha aplikacionet e kompanisë.
Facebook ka mëse 3 miliardë përdorues aktivë në muaj sipas raportit më të fundit të Meta.
Edhe pse popullariteti i Facebook ka rënë mes moshave të reja, platforma është shumë larg kapitullimit.
Në tërë familjen e aplikacioneve të Meta, ku përfshihen WhatsApp, Instagram, Messenger dhe tashmë Threads, janë 3.88 miliardë përdorues aktivë në muaj. Kjo shifër përbën thuajse gjysmën e popullsisë së botës.
Facebook ka 2.064 miliardë përdorues aktivë në ditë, një rritje e lehtë nga 2.037 miliardë që ishte në tre mujorin e parë të vitit. Rritja mund të ketë ardhur si rezultat i Reels, një kopje e TikTok që Meta e ka implementuar në Instagram dhe Facebook.
Sipas CEO Mark Zuckerberg, Reels kishin 200 miliardë shikime në ditë në të gjitha aplikacionet e kompanisë.
Prurja më e re e kompanisë, Threads arriti 100 milionë regjistrime në 5 ditë. Zuckerberg tha se dhjetëra miliona përdorues kthehen çdo ditë në aplikacion.
Copyright: © PCWorld Albania
