Kategoritë
Apple humbet terren kundrejt Samsung në smartfonët e segmentit të lartë
Raporti vijon më tutje duke thënë se tregu global i smartfoneve ishte në rënie vitin e kaluar por segmenti Premium ishte një prej hapësirave ku u vu re një rritje.
Ka qenë një vit i vështirë për tregun e smartfonëve në 2023. Por një raport i ri pretendon se viti i kaluar nuk ka qenë aq problematik ndërsa segmenti i smartfonëve premium ka shkëlqyer.
Firma kërkimore Counterpoint publikoi një raport të ri për smartfonët premium në 2023. Sipas kompanisë mendohet që shitjet e smartfonëve premium janë rritur me 6 përqind gjatë vitit të kaluar.
Raporti vijon më tutje duke thënë se tregu global i smartfoneve ishte në rënie vitin e kaluar por segmenti premium ishte një prej hapësirave ku u vu re një rritje.
Specifikisht pajisjet të cilat kushtojnë mbi 1 mijë dollarë përbënin 1/3 e shitjeve të segmentit Premium. Gjithashtu theksohet fakti se Apple që ka mbajtur një pozicion të fortë në tregun global të smartfonëve premium ka humbur terren përballë konkurrentëve.
Në 2022 Counterpoint thoshte se Apple kishte 75 përqind ndërsa në 2023 ra në 71 përqind. Në të njëjtën kohë prezenca e Samsung në smartfonët e segmentit të lartë është rritur me 1 përqind.
Copyright: © PCWorld Albania
