Kategoritë
Apple dhe Ericsson i japin fund mosmarrëveshjeve shumëvjeçare për patentat
Ericsson paditi Apple në Tetor të 2021 pasi gjiganti i iPhone kërkoi reduktim të tarifave dhe Apple u përgjigj me një kundërpadi në Dhjetor të atij viti.
Apple vendosi ti japë fund një beteje të gjatë me patentat wireless. Prodhuesi i iPhone dhe gjiganti Suedez Ericsson arritën një marrëveshje licencimi për ti dhënë fund të gjitha mosmarrëveshjeve ligjore mes dy kompanive.
Dy gjigantët e teknologjisë kanë një histori të gjatë përplasjesh. Apple paditi Ericsson në 2015-ën për të përfituar kushte më të favorshme për patentat LTE por Ericsson u përgjigj me një padi të saj duke pretenduar se iPhone dhe iPad shkelnin patentat e saj.
Të dy arritën paqen me një marrëveshje për 7 vitet në vijim. Por ndërsa marrëveshja e parë po i afrohej fundit në 2021, ashtu rinisën fërkimet mes dy kompanive.
Ericsson paditi Apple në Tetor të 2021 pasi gjiganti i iPhone kërkoi reduktim të tarifave dhe Apple u përgjigj me një kundërpadi në Dhjetor të atij viti.
Ericsson bëri një tjetër padi në Janar për licencat 5G. Marrëveshja e fundit do ti sigurojë Ericsson të ardhura prej 532 milionë dollarësh. Koha e marrëveshjes vjen në momente kyçe për Apple e cila raportohet se po zhvillon vetë modemet e saj 5G.
Copyright: © PCWorld Albania
