3 vjet më parë

Një tjetër problem me Windows 11 prek përdoruesit e kartave grafike Nvidia

Nuk është e qartë nëse kemi të bëjmë me një problem me Windows 11 22H2 apo me versionin 522.25 të driverave grafikë të Nvidia.

Një tjetër ditë një tjetër problem me Windows 11 22H2 ndërsa ata që po e pësojnë janë përsëri kartat grafike Nvidia.

Pas një problemi me reduktimin e fps që u adresua së fundi nga Nvidia, përdoruesit e Reddit tashmë thonë se ka të tjera probleme performance dhe një prej tyre është leximi 3D për kartat grafike Nvidia në Task Manager.

Kartat grafike pa u përdorur fare kanë një përdorim 100% sipas Task Manager ndërsa leximet e temperaturës tregojnë të kundërtën me përdoruesit të shqetësuar për komponentët e çmuar dhe mbase më të kushtueshmit të kompjuterëve të tyre.

Lajmi i mirë është se kemi të bëjmë me një keqfunksionim të Task Manager dhe asgjë nuk po shkon keq me kartën tuaj grafike. Problemi si duket shfaqet në gjeneratat e vjetra por edhe të reja përfshirë RTX 4090.

Nuk është e qartë nëse kemi të bëjmë me një problem me Windows 11 22H2 apo me versionin 522.25 të driverave grafikë të Nvidia.

Copyright: © PCWorld Albania