Kategoritë
Instagram sjell anketat në seksionin e komenteve
Anketat në seksionin e komenteve do të duken njëlloj si në Stories ku kanë qenë të disponueshme për përdoruesit prej vitesh në formën e afishave.
Disa përdorues të Instagram mund të krijojnë anketa në seksionin e komenteve të postimeve të tyre bëri të ditur kompania duke ju dhënë kështu krijuesve një mënyrë tjetër për të krijuar më shumë angazhim rreth përmbajtjeve që postojnë.
Adam Mosseri, shefi i Instagram, tha se funksionaliteti është në fazë testimi dhe anketat mund të bëhen në komentet e postimeve të zakonshme të kohështrirjes por edhe në Reels.
Edhe pse është vetëm një testim i vogël, CEO i Meta Mark Zuckerberg tha se së shpejti do të bëhet i disponueshëm për të gjithë.
Anketat në seksionin e komenteve do të duken njëlloj si në Stories ku kanë qenë të disponueshme për përdoruesit prej vitesh në formën e afishave.
Sipas një imazhi të publikuar nga Mosseri, përdoruesit e tjerë do të mund të shohin sesa njerëz kanë votuar në një anketë të caktuar. Nuk është e qartë se për sa kohë anketat do të qëndrojnë të hapura apo nëse përdoruesit do të kenë opsionin për të zgjedhur disa afate kohore për pranimin e votave siç ndodh në Twitter.
Instagram ka punuar për ta bërë seksionin e tij të komenteve më shumë një hapësirë interaktive, dhe pranverën e kaluar më në fund shtoi mundësinë që përdoruesit të postojnë GIF në komente.
Copyright: © PCWorld Albania
